2025年4月5日【#青年發展｜期待「青年驛站」於今年開展營運】
- miayu3
- 10月6日
- 讀畢需時 2 分鐘
今日民政及青年事務局宣布咗啟德社區隔離設施改建為「青年驛站」旅舍同青年文化藝術與體育交流空間嘅最新進展，並公布選出博盛文旅有限公司作為營運團體，而驛站更會喺10月份開始有序投入營運。我對有關安排及進展表示歡迎，並期待「青年驛站」同相關文化藝術和體育交流空間能夠成為啟德以至香港嘅青年新地標。
正如我早前與青年專員一齊去實地考察時指出，啟德社區隔離設施既有硬件不但良好，而且更有180度嘅海景以及優美嘅臨海環境，係維港內重要而且珍貴嘅一片土地資源。因此我期望營辦團體未來幾個月能夠做好優化同規劃工作，包括吸納本地青年喺藝文同體育交流等方面嘅意見，從而打造出一個能夠吸引本地同海內、外青年人嘅地標，令佢地可以在此彼此聚集交往、雙向交流，一齊體驗維港漂亮嘅風景線，並激活整個啟德跑道區。
此外我亦要感謝民青局同事嘅努力，佢地喺提速提效下短時間內已完成設施嘅整項招標工作，令青年驛站項目可以喺今年內啟用，實在係難能可貴。寄望喺嚟緊嘅籌備時間，局方可繼續同營辦團體通力合作，令項目做好各項配套及拆牆鬆綁，從而使驛站可增添更多具特色、而且獨特嘅體驗活動，令青年驛站成為我地同世界各地青年人激發創意同迸發青春力量嘅新空間！
留言