2025年4月16日【#議會議事｜參觀小欖綜合康復服務大樓】
- miayu3
- 10月6日
- 讀畢需時 1 分鐘
小欖綜合康復服務大樓今年二月底已經啟用，服務對象涵蓋智障人士、肢體傷殘人士同精神復元人士。
尋日喺勞工及福利局副局長何啟明陪同下，我哋立法會福利事務委員會及支援殘疾人士事宜小組委員會參觀咗小欖綜合康復服務大樓，了解大樓啟用後嘅運作情況。
大樓共提供1150個住宿照顧名額同560個日間訓練名額。而喺視察大樓設施時，我哋了解到大樓嘅設計如何利用智能科技設備和復康器材，以及採納周邊自然環境，為服務對象提供安全、舒適嘅生活空間。我非常欣慰，喺醫院社區合作服務模式下，服務使用者無需經常往返醫院，都能獲得適切醫療服務。
希望社會各界積極參與支持推動康復服務的創新同改進，令殘疾人士及其照顧者都能獲得更多支援同關愛。
留言