2025年1月27日【#青年發展 | 探訪「貓貓爪家」體驗館和創業青年】
- miayu3
- 10月3日
- 讀畢需時 1 分鐘
應房屋局 何永賢 Winnie Ho 局長邀請，毓偉日前同幾位議員同事一齊嚟到海麗商場嘅流浪貓多元化體驗館「貓貓爪家」，以及探訪房委會「共築・創業家」計劃下嘅創業青年。
毓偉好高興能夠到場體驗同貓貓相處，了解佢哋嘅故事。「貓貓爪家」有貓舍待領養嘅貓貓駐場，提供領養和支援服務，市民亦可以嚟體驗，為支援照顧流浪貓出一分力。此外，「貓貓爪家」仲會舉辦手作班、飼養課程，也會寄賣寵物用品，以平價出售臨期貓糧，希望減少浪費。
「貓貓爪家」由兩位創業青年Raymond同Michael負責營運，希望推廣社會對流浪貓認知，以及教育大眾怎樣與貓貓相處。毓偉亦好欣賞佢哋嘅創業想法營運模式，佢哋同商場茶餐廳合作推出「貓貓爪家」優惠券，相互引流帶旺商場。
毓偉一直鼓勵同支持青年實踐創業夢想，「共築・創業家」計劃為有志創業嘅年青人提供實現夢想嘅平台，幫助佢哋成長成才，亦為本地商場注入青年朝氣。希望社會各界繼續攜手，整合匯聚更多資源，為青年創業提供更多機會同空間。
留言