2025年1月24日【#青年發展｜參觀啟德社區隔離設施 了解未來「青年驛站」發展】
- miayu3
- 10月3日
- 讀畢需時 1 分鐘
早前《施政報告》提出將 #啟德社區隔離設施 改造為「青年驛站」旅舍同青年文化藝術與體育交流空間，項目宜家正在招標中，所以今朝早我就特別邀約民青局青年專員陳瑞緯，同佢一齊去到啟德社區隔離設施實地考察，了解項目現時嘅狀況。
位於啟德跑道區嘅啟德社區隔離設施，唔單止面積廣闊 (約97500 平方米)，而且仲有2千幾個房間。整個設施當時已全部設有升降機，通風同採光度亦好高，就算宜家即時搬入去住感覺都唔錯。不過當中我認為最吸引人嘅地方就一定係個景觀，事關單係睇住個180度嘅海景，成個感覺都已經好Chill！假如之後營辦團體再加優化，添加更多青年人嘅藝文同體育元素，配以體驗同消費活動，我相信整個場地唔單止能吸引本地同海內、外嘅青年人到嚟作雙向交流，同時更可以吸引遊客到訪成為新景點，激活整個啟德跑道區，帶動其中嘅經濟同創業、就業活動。
今屆政府願意將啟德景觀最靚嘅地段交俾青年人使用同交流，其實係非常難得。所以我更希望有關部門、營辦團體以至社會各界可以一齊做好啟德青年驛站，令唔同地方嘅青年人都可以喺度聚集一齊，感受啟德最美麗嘅風景線！
留言