2025年1月14日【#議會議事│與G19參觀啟德體育園】
- miayu3
- 10月3日
- 讀畢需時 1 分鐘
啟德體育園係政府近數十年來喺體育發展上最重要同最大型基建，亦令香港真正擁有世界級嘅體育場地同設施。好高興尋日得到文化體育及旅遊局羅淑佩局長邀請，令我同G19嘅議員可以到啟德體育園參觀，先睹為快。
行程中，我地主要參觀咗可坐5萬人嘅主場館，並與局方及啟德體育園公司交流意見。作為一個國際級水平嘅主場館，入到去我嘅感覺係場地非常宏偉，感覺就如置身在外地嘅國家級場館一樣。若果之後能夠坐滿5萬名觀眾一齊為香港運動員打氣，相信主場氣勢將會鋪天蓋地，為市民同運動員帶來極好嘅比賽體驗。
此外主場館仲有一大特色就係「靈活」，除咗場館上蓋可開合以不受天氣影響同隔音外，埸館更可轉換舞臺位置及座位配置以配合唔同大型活動同演出，而場館內、外亦有好多唔同餐飲設施以至酒吧，呢D硬件設施都令香港喺舉行國際大型體育同娛樂活動提升咗一個層次，亦令我地喺盛事經濟上有更大空間採取主動。而由宜家到3月體育園正式開幕，我相信部門及園方都會繼續就交通配套、人流安排等作優化，務求令體育園成為香港在2025年嘅一大亮點！
留言