2025年2月8日【#青年發展 | 結伴傳誠 到訪廉政公署ICAC】
- miayu3
- Oct 6
- 1 min read
日前我同香港青年聯會嘅各位成員到訪廉政公署，參觀咗近期超高人氣嘅「一九七四」咖啡廳，試飲廉署嘅招牌特色咖啡，味道確實有驚喜。
特別感謝廉政專員胡英明（胡sir）為我哋介紹「廉署咖啡」嘅創新理念，咖啡廳嘅收益會用作慈善用途，以新穎又親民嘅方式向公眾推廣廉政文化，非常有意義。我哋同胡sir傾偈飲咖啡期間，亦見到唔少市民同遊客嚟打卡，氣氛好輕鬆，真係感受到廉署同市民之間嘅距離拉近咗。
隨後我哋參觀廉署執行處嘅設施，包括錄影會面室和列隊認人室，親身體會到廉署調查員工作背後嘅專業同挑戰。青聯嘅朋友都非常踴躍提問，大家對廉署嘅工作充滿好奇非常感謝廉署同事嘅耐心解答，每個細節都講得清清楚楚。
值得一提嘅仲有，通過廉署社區關係處同事嘅介紹，我哋了解到廉署為青少年設計嘅德育活動，會透過各類型嘅誠信推廣計劃，教導唔同階段嘅青少年樹立廉潔、誠實、守紀同負責任嘅正面價值觀。呢個同政府《青年發展藍圖》提出要培育青年人正向思維、正向價值觀一致。希望未來可以有更多年輕人參與，為建設廉潔社會出一分力，成為擁護法治，具備國家觀念同國際視野嘅未來領袖。
Comments